Bildo

Skribodiverseco

Malgraŭ ke la skribo ankaŭ povas indiki komunikan baron, ĝia varieco estas unu el la trajtoj kiuj faras lingvodiversecon bela. Hieraŭ, pro scivolemo, mi eklernis la alfabeton (envere temas pri abugido) de la tamila lingvo, unu el la plej malnovaj lingvoj kun propra skribo. La desegna fasono, iel simila al la ĉinaj ideografiaĵoj, povas komence timigi, sed poste vidiĝas, ke ĝi estas facila skribosistemo, ĉar temas nur pri ĉirkaŭ kvardek simboloj kombinitaj por formi pli ol ducento da eblaj silaboj. Mi ne scias, ĉu mi daŭrigos la lernadon, sed ajnakaze mi ĝuis ekkoni iom pri la tamila.

Bildo

Zamenhof fumas cigaredon (1906)

Laŭ Marjorie Boulton iu doktoro “insiste petis, ke li ĉesigu la fumadon kaj li multe penadis tion fari sed li trovis ke li ne povis labori sen cigaredoj. Tiu nervoturmentado iĝis tiel suferiga, ke li komencis fumi denove dirante ke li preferas pli fruan morton ol senutilan plilongigon de la vivo”.

Foto de la 26-a de aŭgusto 1906, en Frankfurt am Main, Germanio. Fotografisto nekonata.