KONFIDO

Al kiu ni konfidu la destinon de la homaro?
Kiu konfidis al ni la respondecon doni destinon
al la restanta homaro?
La batoj de niaj plandumoj kontraŭ la planko
estas koruso
de kolektivo sinkrone paŝanta al abismo.
La unua el la lastaj infanoj jam ne havas nomon
ĉar havi nomon ne sencas.
Patrino mendis nomon. Oni liveris numeron.
Al kiu ni konfidu nian esperon?
Kiun fidi kaj kiun perfidi per fidorifuzo?
Se ni pulvorigas la konspiran fido-konfidon,
kiu sincerulo postvivos?