PRI JUNULAJ MONDINTERPRETOJ

Se mia komprenritmo daŭras tiel,
mi naŭdeknaŭjaraĝa havos la unuan trafan konkludon.
Ĉu trinkeblas revelacioj en kaftasoj?
Eta en mia mensangulo
kuntiriĝas la konvinko kompreni homecon.
Ĉiu plia alvenanto portas dozon da malcerto.
Komplika homaro,
nealirebla al facilaj adicioj.
Ĉu oni povas esti juna je naŭdeknaŭjariĝo?
Ĉu senila je dudeksepjariĝo?
Mi timas, ke mi naskiĝis ranca kiel oldulo
kaj iom post iom mildiĝas,
survoje al infanaĝo ĉe morto.
Kio misfunkciis?

Respondi

Retpoŝtadreso ne estos publikigita. Devigaj kampoj estas markitaj *